“Ukrayna ordusu hərəkətə keçəcək” – Qarabağdan sonra Donbas

525

Türk pilotsuz uçan aparatları (PUA) Suriya, Liviya və nəhayət Qarabağda (Azərbaycan) Rusiyanın hava müdafiə sistemi “Pantsir”lərin qorxulu yuxusu olmuşdu. PUA-ların növbəti ünvanının Ukraynadan qoparılmış Donbas bölgəsi olacağı iddia edilir”.

Bunu türk köşə yazarı Taha Dağlı deyib.

O, Türkiyə istehsalı dronların Suriya, Qarabağ və Liviya Rusiyanın milyonlarla dollar dəyərində ölçülən hava hücumundan müdafiə sistemlərini sıradan çıxardığını söylətib:

“Keçən həftə Ukrayna və Türkiyə arasında çoxşaxəli hərbi müqavilə imzalanıb. Ukrayna da türk PU-larını satın aldı. Bu razılaşmadan sonra bütün diqqət Donbasa çevrildi. Bir neçə gün əvvəl rusiyalı ekspert Andrey Kortunov 2021-ci ildə Rusiyanın iştirak etdiyi regional münaqişələrlə bağlı ilginc gəlişmələrin baş verəcəyini yazdı və Donbası siyahının başında qoydu.

Rus mütəxəssis Ukraynanın Donbas bölgəsini geri almaq üçün hərəkətə keçəcəyini və əllərindəki ən böyük silahın türk PUA-ları olduğunu vurğuladı.

Qarabağ 30 il işğal altında qaldı. Azərbaycan ordusu türk PUA-larının da yer aldığı əməliyyatla Qarabağı işğaldan qurtardı. Eyni ssenari Ukraynanın qərbində, Rusiya tərəfindən dəstəklənən qüvvələr tərəfindən işğal edilmiş Donbas bölgəsində və Rusiyanın ilhaq etdiyi Krımda da təkrarlana bilər. Azərbaycanın qələbəsi Ukraynanı Türkiyədən PUA almağa və öz ərazilərini işğaldan azad etməyə təşviq edir”.   /Teleqraf