UFC prezidenti Həbib Nurməhəmmədovun qarşıdakı görüşündən danışdı

186

Mütləq Döyüş Çempionatının (UFC) prezidenti Dana Uayt UFC-nin yüngül çəkidə rusiyalı kəmər sahibi Həbib Nurməhəmmədovun qarşıdakı görüşündən bəhs edib.

Bu barədə “Report” Rusiya mətbuatına istinadən xəbər verir.

Uayt Nurməhəmmədovla görüşəcəyini təsdiqləyib. O, bildirib ki, idmançı ilə Əbu-Dabidə danışıqlar aparacaq.

“Bu, tezliklə olacaq. Nə vaxt ki, vaxt gələcək, mən sizə məlumat verəcəm. İnanıram ki, Nurməhəmmədov rekord 30-0-a görə qayıdacaq”, – UFC-nin “Veqas 15” yarışından sonra keçirilən mətbuat konfransında Dana Uayt deyib.

Xatırladaq ki, Həbib Nurməhəmmədov UFC 254 yarışında amerikalı MMA döyüşçüsü Castin Qetji üzərində qələbə qazanıb və peşəkar karyerasının tamamlandığını elan edib.

Daha əvvəl isə Mütləq Döyüş Çempionatının (UFC) yüngül çəkidə rusiyalı kəmər sahibi Həbib Nurməhəmmədov UFC-yə qayıdışına işarə edib. İdmançı bu barədə özünün instaqramdakı hesabında bildirib. “Tezliklə görüşəcəyik”, – rusiyalı kəmər sahibi UFC rəhbəri Deyn Uaytla birlikdə çəkdirdiyi şəklinin altında yazıb. Rusiya mediası bunu Həbib Nurməhəmmədovun Mütləq Döyüş Çempionatına qayıdışına eyham kimi qiymətləndirib.