Türk futbolçu Avroliqanın tarixinə düşdü

42

Avropa Liqasının qrup mərhələsinin 3-cü turunda “Milan”la səfər oyununda (3:0)  het-trik edən “Lill”in futbolçusu Yusuf Yazıçı turnirin  tarixinə düşüb.
Qol.az xəbər verir ki, “San-Siro”da rəqib qapısından 3 top keçirən türkiyəli yarımmüdafiəçi Avropa Liqasında bir mövsümdə iki səfər oyununda het-trik edən ilk futbolçu olub. Türkiyə millisinin üzvü qrup mərhələsinin 1-ci turunda “Sparta” (Çexiya) ilə görüşdə də (4:1) het-trik etmişdi.
Qeyd edək ki, 2019-cu ildən “Lill”də çıxış edən hücumameyilli yarımmüdafiəçi bu mövsüm ümumuilikdə 11 oyuna 7 qol vurub.