TÜRKİYƏ ÜÇÜN YENİ FÜRSƏT – OPEK qərarı balansı dəyişəcək

    15

    Hurriyyet.org xəbər verir ki, Qətərin OPEK-dən çıxmaq qərarı enerji diplomatiyasında yeni səhifəni gündəmə gətirib.

    Gələcəkdə Rusiya-İran blokuna yaxınlaşa biləcəyi bildirilən Qətərin Türkiyə üçün imkanlar yaradacaq yeni bir layihəyə liderlik eləməsi də müzakirə edilir. Qətərin enerji naziri Saad Şeride Əl-Kabi, 2019-cu ilin yanvar ayında OPEK-i tərk edəcəklərini, Qətərin təbii qaz istehsalına üstünlük verəcəyini bildirib. Enerji məsələləri üzrə türkiyəli ekspert, professor Volkan Ediger Ərəb yarımadasının Qətər və Səudiyyə Ərəbistanı qismində ikiyə bölündüyünü və qərarın da bu vəziyyətin əksi olduğunu söyləyib.

    Alternativ qurum

    Ediger Rusiya və İranın liderliyi ilə təbii qaz istehsalı ilə əlaqədar OPEK-ə bənzər təşkilat yaradılığını bildirərək “Qarşıdakı dövrdə neft ilə təbii qaz bir-birindən çox ayrıla bilər” deyib.

    Türkiyədəki Enerji İqtisadiyyatı Dərnəyinin sədri professor Gürkan Kumbaroğlu isə Qətərin neft istehsalının OPEK daxilindəki payının cəmi 2 faizi təşkil elədiyi üçün ayrılma qərarının neftin qiymətinə ciddi təsir eləməyəcəyini deyib. O, gələcəkdə OPEK-ə alternativ təşkilatın gündəmə gələ biləcəyini bildirərək deyib: “İxracatçı ilə idxalatçını birləşdirə biləcək bir təşkilat ola bilər. Türkiyə də burada mühüm rol oynayar. Türkiyə OPEK-dən bir xeyir görmədi”.

    Digər bir ekspert, Enver Erkan isə deyib: “OPEK artıq Səudiyyə Ərəbistanının monopoliyasına çevrilib. Qətər də buna etiraz olaraq təşkilatı tərk elədi”.

    Hurriyyet.org