Rusiyalı ekspert: “İlham Əliyev təkcə Azərbaycan tarixində deyil, dünya tarixində əbədi qalacaq”

363

Prezident İlham Əliyev ölkəsinin suverenliyini hər şeydən üstün tutan, başqa ölkələrlə qarşılıqlı faydalı münasibətlər qurmağı bacaran tarixi əhəmiyyətli dövlət xadimi olduğunu sübut etdi.

Bu barədə Report-un Rusiya bürosuna rusiyalı politoloq, şərqşünas və türkoloq Yuri Mavaşov bildirib.

Rusiyalı ekspertin qənaətincə, İlham Əliyev təkcə Azərbaycan tarixində yox, dünya tarixində əbədi qalacağına əmin olduğunu bildirib: “O, Azərbaycanı yeni beynəlxalq səviyyəyə çıxardı. Əvvəllər hamı deyirdi ki, Azərbaycan adlı ölkənin nefti var. İndi isə hamı Azərbaycanın yeni bir mərhələyə qədəm qoyduğunu gördü. Bunda İlham Əliyevin böyük töhfəsi var. O, yüksək təhsil alıb, Moskva Dövlət Beynəlxalq Münasibətlər İnstitutunun məzunudur. Çox təcrübəlidir. Müharibə vaxtı həm rus, həm də ingilis dilində gözəl müsahibələr verirdi, bunu hər kəs bacarmaz”.

“Bakıya gəlib danışıqlar aparan o nümayəndə heyətlərinin heç biri güman etmirdi ki, prezident Əliyev öz ölkəsinin mövqeyini bu cür qətiyyətlə müdafiə edəcək. Əlbəttə, Azərbaycandan güclü, Rusiyadan da güclü ölkələr var, amma prezident Əliyev onlara qarşı durmaq üçün özündə güc tapa bildi. O, nəinki regionda, beynəlxalq miqyasda qələbə çalıb. Bu da ən yüksək səviyyədir. Artıq tarixə layiqincə daxil ola bilər. Fikrimcə, Azərbaycan xalqının prezident sarıdan bəxti gətirib”, – deyə rusiyalı politoloq fikrini tamamlayıb.