Rusiya kəşfiyyat təyyarəsini İdlibə göndərdi – Dünyada bundan iki ədəddir

6

Rusiya ən təhlükəli təyyarəsini Suriyada Bəşər Əəsəd qüvvələrinə dəstək vermək üçün İdlibə göndərdi.

Unikal.org xarici KİV-ə istinadən xəbər verir ki, Rusiya Tu-214R tipli kəşfiyyat nəzarət təyyarəsini Hmeymim Hava Bazasına göndərib və hazırda İdlibdə uçuşlara başlayıb. Rusiyada ümumilikdə iki ədəd olan Tupolev Tu-214R təyyarəsinin birini  2016-cı ilin fevralında Suriyaya göndərmişdi. Təyyarə bir neçə vaxtdan sonra geri qaytarılmışdı. 

Qeyd edək ki, sözügedən təyyarə elektron kəşfiyyat sistemini funksiyasını daşıyır. Tu-214R-də olan antenalar, yayılan siqnalları (radar, uçuş, radio, döyüş vasitələri, cib telefonu siqnalları, ötürücülərini) də poza bilir.

Bu təyyarə vasitəsi ilə, "düşmənin" hansı avadanlıqdan istifadə etdikləri, nə etdikləri və nə etməyi planlaşdırdıqları məlumatları radio / telefon siqnallarına qulaq asmaqla aşkar etmək olur.