“AST Telman”ın obyektinin qiymətini 300 milyon endirib, yenidən satışa çıxardılar

    3

    Azərbaycanlı milyonçu Telman İsmayılova məxsus daha bir mülk satışa çıxarılır.

    Hurriyyet.org musavat.com-a istinadən xəbər verir ki, milyonçuya məxsus “Biznes klub Tropikano” biznes mərkəzi ilə bağlı hərrac iyulun 3-də keçiriləcək.

    Bundan əvvəl baş tutan hərracda biznes mərkəz 2 milyard 100 milyon rubl dəyərində qiymətləndirilmişdi. Amma indi qiymət endirilib. İndi o 300 milyon rubl az, 1 milyard 800 milyon rubl qiymətlə hərraca çıxarılacaq. Biznes mərkəzin sahəsi 15 min kvadratmetrdir və Moskvanın mərkəzində, Krasnaya Presnya küçəsində yerləşir.

    Yeri gəlmişkən, Abbas Abbasovun himayəçisi olduğu “Azerros”un ofisi də burda yerləşir.