Qazaxıstan bu il neft və qaz hasilatının həcmini açıqlayıb

78

2020-ci ilin yanvar-avqust aylarının yekunu üzrə Qazaxıstanda neft və kondensat hasilatı 58,3 milyon ton təşkil edib.

“Report” “Kazinform”a istinadən xəbər verir ki, bu barədə Qazaxıstanın Energetika naziri Nurlan Noqayev hökumətin iclasında bildirib.

Onun sözlərinə görə, neft ixracatı 47,3 milyon ton olub.

Nazir bildirib ki, 2020-ci ilin səkkiz ayı ərzində neft məhsullarının istehsalı 8,4 milyon ton, bitum hasilatı isə 675 min ton təşkil edib.

Həmçinin hesabat dövründə qaz hasilatı 37,7 milyard kubmetr təşkil edib. Maye qaz istehsalı isə 2,6 milyon ton olub.

Nazir qeyd edib ki, digər ölkələrdə olduğu kimi, Qazaxıstanda da uran istehsalı azalıb: “8 ay ərzində hasilat 13,5 min ton olub. Azalma təkcə bizdə deyil, digər ölkələrdə də belədir. Bu da uranın qiymətinin artmasına gətirib çıxarır. Daim əsas indikatorları izləyirik”.

musavat.com