Peskov: “Azərbaycanın da rus dilini rəsmi dil olaraq qəbul etmək hüququ var”

708

“Rus dilindən Qarabağda da, Ermənistanda da, Azərbaycanda da və dünyanın bir çox yerində istifadə olunur. Rahat ünsiyyət dili olduğundan danışılır. Bunu alqışlayırıq və rus dilini yaymağı özümüzə vəzifə hesab edirik”.

Ovqat.com xəbər verir ki, Rusiya prezidentinin sözçüsü Dmitri Peskov Dağlıq Qarabağda rus dilinin dövlət dilinə çevirmək planları haqqında danışarkən belə deyib.

Onun sözlərinə görə, həm Azərbaycanda, həm də Ermənistanda rus dilində danışılması adi və faktiki haldır, onun rəsmiləşdirilməsinə ölkələrin özləri qərar verə bilərlər:

“Rus dilinin rəsmi dil olaraq qəbulu həm Azərbaycanda, həm də Ermənistanda hər bir ölkənin daxili işidir”.

Bununla belə, Peskov heç bir dövlətə belə bir təklifdə bulunmadıqlarını, bunu hər kəsin öz ixtiyarına buraxdıqlarını bildirib.