Paşinyan Gorus, Qafan və Meğri şəhərlərinə gedə bilmədi – Baş nazirin yolunu bağladılar

408

Son günlər Sunikdə Azərbaycanla sərhədin demarkasiyası Ermənistanda ən ağrılı məsələlərdən birinə çevrilib. 

“AzPolitika.info” erməni mətbuatına istinadən xəbər verir ki, baş naziri Nikol Paşinyan Sunik vilayətində verdiyi bəyanata baxmayaraq, Gorus, Qafan və Meğri şəhərlərinə səfər edə bilməyib və Yerevana qayıtmalı olub.

 

Nikol Paşinyan Facebook səhifəsində yazıb ki, Gorus yolunu Gorus, Qafan, Qacaran, Meğri və Sisianda olan atmosferin nədən ibarət olduğunu heç kimin bilməməsi üçün bağlayıblar. Paşinyan əlavə edib ki, matəm günlərində gücə əl atılmayacaq: “Yolu ona görə bağlayıblar ki, Gorusda da, Qafanda da, Meğridə də belə bir kortəbii mitinqin olacağını bilirlər. Bu matəm günündə biz xüsusilə təxribatlara uymayacağıq. Eybi yox. Meğri də yerindədir, Qafan da yerindədir və Gorus da yerindədir… Biz təxribata getməyəcəyik.

Xatırladaq ki, Nikol Paşinyan dekabrın 21-də Sunik vilayətindəki Sisian şəhərində panteona başçəkərək Qarabağ müharibəsində öldürülən hərbçilərin xatirəsini yad edib.