Ukraynada Azərbaycan şirkətlərinə qarşı törədilən cinayətlə bağlı RƏSMİ AÇIQLAMA

    6

    Azərbaycanın Baş Prokurorluğu Ukraynada Azərbaycan şirkətlərinə qarşı cinayət işi başlanması barədə mətbuatda yayılan məlumatlara münasibət bildirib.

    Hurriyyet.org xəbər verir ki, Baş Prokurorluğun mətbuat xidmətindən verilən məlumatda qeyd olunur ki, bəzi kütləvi informasiya vasitələrində Ukrayna Prokurorluğunda Azərbaycan şirkətlərinə qarşı cinayət işinin başlanması barədə yayılan informasiyalarda göstərilən xüsusatların həqiqiliyi Azərbaycan Baş Prokurorluğu tərəfindən Xarici İşlər Nazirliyi ilə əlaqəli şəkildə araşdırılır.

    Göstərilənlərlə əlaqədar Ukrayna Baş Prokurorluğu ilə müzakirələr aparılır.

    Qeyd edək ki, bəzi KİV-də yayılan məlumatlara görə, Ukrayna Təhlükəsizlik Xidmətinin təqdimatı əsasında bu ölkənin Baş Prokurorluğu Rusiya tərəfindən ilhaq olunmuş Krım bölgəsinin Yalta şəhərində keçirilmiş III Beynəlxalq İqtisadi Forumda iştirak edənlərlə bağlı istintaq hərəkətlərinə başlayıb.

    İqtisadi forumun iştirakçıları Ukraynanın işğal altında olan ərazilərinə daxil olma qaydalarını pozmaqda təqsirli bilinirlər.

    Forumun iştirakçıları arasında Azərbaycanın 17 iri dövlət və şirkətlərinin nümayəndə heyəti də olub./apa/