Neymar yığmadan kənarlaşdırıldı

129

Fransa PSJ-sinin futbolçusu Neymar Braziliya millisinin oyunlarında iştirak edə bilməyəcək. Sportnet.az “Globe Esporte” nəşrinə istinadən xəbər verir ki, UEFA Çempionlar Liqasının qrup mərhələsinin III turunun Türkiyə “Başakşehir”i ilə matçında (2:0) bud əzələsi zədələnən 28 yaşlı hücumçu noyabrın ikinci yarısında sıraya dönəcək.

Təcrübəli oyunçu bu səbəbdən, millinin DÇ-2022-nin seçmə mərhələsində Venesuela və Uruqvayla keçirəcəyi qarşılaşmaları buraxacaq. O, artıq yığmanın heyətindən çıxarılıb. Qeyd edək ki, Braziliya noyabrın 14-də Venesuela, noyabrın 18-də isə Uruqvayla qarşılaşacaq.