Millimizin hücumçusundan mütləq rekord

36

“Sumqayıt”ın futbolçusu Əli Qurbani Azərbaycan Premyer Liqasında 1-ci dövrənin bombardiri olub. O, arxada qalan 7 turda 6 qol vurub.

Peşəkar Futbol Liqasının yaydığı məlumata görə, bu, son 4 mövsüm üçün mütləq rekorddur. Belə ki, əvvəlki üç çempionatın startında belə məhsuldarlıq qeydə alınmayıb. İlk 7 turda 6 və ya daha çox qol vuran sonuncu futbolçu 2016/17 mövsümündə olub. Həmin vaxt “Qəbələ”nin şərəfini qoruyan Baqali Dabo daha çox – 7 top vurub.

Qeyd edək ki, bombardirlər yarışında lider olan Qurbaninin ən yaxın izləyicisi Namiq Ələsgərov (“Neftçi”) 5 qol vurub.