Kim Çen In ictimaiyyət qarşısına çıxdı – FOTO

72

Koreya Xalq Demokratik Respublikası Dövlət Şurasının sədri Kim Çen In Sunçxondakı gübrə zavodunun açılış mərasimində iştirak edib. 

Hurriyyet.org report-a istinadən xəbər verir ki, bu barədə Koreyanın Mərkəzi Teleqraf Agentliyi bildirib.

Bu, dövlət başçısının 20 gün ərzində ilk dəfə ictimaiyyət qarşısında çıxmasıdır.

“Hörmətli ali sədr, yoldaş Kim Çen In mərasimdə iştirak edərək tikintinin tamamlanması simvolu olan lenti şəxsən kəsdi”, – agentlik qeyd edib.

Koreya Xalq Demokratik Respublikasının mətbuatı eyni zamanda Kim Çen Inın 1 May mərasimindəki fotosunu da yayımlayıb. Fotoda KXDR liderinin hər hansı xəstəlikdən əziyyət çəkməsinin əlaməti görünmür.

Daha əvvəl ölkənin “Nodon sinmun” qəzeti bildirib ki, Koreya Xalq Demokratik Respublikasının Dövlət Şurasının sədri sənədlərlə işləməyə davam edir. O, Vonsan-Kalmanın şərq sahilində turizm zonasının inşaatçılarına minnətdarlıq məktubu göndərib.