İraqda Yeni il bayramında terror aktı planlaşdıran şəxs HƏBS OLUNDU

369

İraqda Yeni il bayramı günlərində Bağdadda terror aktı təşkil etməyi planlaşdıran şəxs həbs olunub.

Məlumatı “Al Sumaria” ölkənin Milli Təhlükəsizlik Agentliyinə istinadən yayıb.

“Salah-ed-Din və Diyala əyalətlərində kəşfiyyat əməliyyatları nəticəsində terror özəyinin zərərsizləşdirilməsinə və dörd nəfərin, o cümlədən Yeni il bayramları zamanı özünü Bağdadda partlatmağı planlaşdıran terrorçu kamikadzenin həbs edilməsinə nail olunub”, – agentliyin açıqlamasında deyilir.

Şübhəli şəxslər etiraf ediblər ki, onlar Milad və Yeni il zamanı Bağdadda sabitliyi pozmaq barədə təlimat alıblar.\\Report