Həyatının son anlarında tibb işçilərinin onu necə incitdiyini çəkdi

36

Kanada sakini Coys Eçakvan xəstəxanadan etdiyi canlı yayım zamanı tibb işçilərinin onu incitməsini çəkdikdən sonra ölüb. Bu barədə CBC xəbər yayıb. “Facebook Live” xidmətində canlı yayım edən yeddi uşaq anası həyatının son anlarında necə zülmə məruz qaldığını göstərib. Kadrlarda onun dəfələrlə kömək çağırdığı, tibb işçilərinin isə buna cavab olaraq onu təhqir etdiyi, “axmaq” adlandırdığı və tezliklə ölməsini dilədiyi görünür.

İddiaya görə, 37 yaşlı qadına qarşı neqativ münasibətin səbəbi onun Atikamek hindu tayfasına mənsubiyyəti ilə əlaqəli olub. Bu hadisə ölkədə böyük səs-küyə səbəb olub. Son məlumatlara görə, tibb bacıları xəstəxanadan qovulublar. Səlahiyyətlilər isə pasiyentin ölümü ilə əlaqədar inzibati yoxlamalara başlayıblar.