Ermənistanda 500-ə yaxın koronaviruslu xəstə AĞIR VƏZİYYƏTDƏDİR

66

Ermənistanda koronavirusa yoluxmuş 403 pasiyent ağır, 94-ü isə çox ağır vəziyyətdədir. Bunu ölkənin Səhiyyə naziri Arsen Torosyan brifinqdə açıqlayıb.

“Bu göstərici son günlər ərzində sabit olaraq qalır. Bir tərəfdən yaxşıdır, amma digər tərəfdən bu, hər halda, yüksək göstəricidir. Ağır və çox ağır vəziyyətdə olan xəstələrin az olması üçün hər şeyi etməliyik”, – Torosyan deyib.

Səhiyyə naziri hesab edir ki, buna infeksiyanın yayılma templərinin azaldılması yolu ilə nail olmaq mümkündür, bunun üçün isə epidemiya əleyhinə normalara riayət etmək lazımdır.

“Worldometers.info” saytının ən son məlumatlarına əsasən, Ermənistanda 13 325 koronavirusa yoluxma halı qeydə alınıb, 211 pasiyent vəfat edib, 4 099 nəfər sağalıb.  \\Qafqazinfo