“Deputatların maaşı ən azı 8 min manat olmalıdır” – QÜDRƏT HƏSƏNQULİYEV

    30

    Milli Məclisin bu gün keçirilən iclasında deputat Qüdrət Həsənquliyev deputatların əmək haqlarının 10 faiz artımına etiraz edib.

    Hurriyyet.org apa-ya istinadən xəbər verir ki, bununla bağlı layihənin müzakirəsi zamanı Q. Həsənquliyev bildirib ki, bu artım olduqca azdır.

    O qeyd edib ki, ən azı son illərdə baş verən devalvasiyalar nəzərə alınmalıdır: “Elə etmək lazımdır ki, məmurlar digər gəlir yerlərinə göz dikməsinlər. Elə olmalıdır ki, baş nazir, spiker 10 min manat, deputatlar isə ən azı 8 min manat maaş alsınlar”.

    Deputat korrupsiyaya qarşı mübarizədən danışarkən Sinqapuru misal çəkib.