Bu bankın vəzifəli şəxslərinə cinayət işi açıldı

    6

    "Bank Respublika” ASC-nin İmişli filialının kredit mütəxəssisi işləmiş Pərviz Hacıyev, bankın əməkdaşları – Pərvin Həşimov, Nicat Cəfərov və Məmməd Abbasovun barəsində cinayət işi başlanılıb.

    Hurriyyet.org apa-ya istinadən xəbər verir ki, həmin şəxslərə Cinayət Məcəlləsinin 179.3.2-ci (Külli miqdarda mənimsəmə və ya israf etmə) və 308.1-ci (vəzifə səlahiyyətlərindən sui-istifadə) maddələri ilə ittiham elan edilib.

    İttihama görə, “Bank Respublika” ASC-nin İmişli filialının vəzifəli şəxsləri 12 avqust 2014-cü ildən 2015-ci ilin oktyabrın 31-dək olan müddətdə Mərkəzi Bankın “Banklarda kredit verilməsi” qaydalarının tələblərini kobud şəkildə pozublar.