Berdıməhəmmədov atlara 680 milyon dollar xərcləyib – Türkmənistanda Milli At Günü keçirilib

51

Türkmənistanda milli At Günü keçirilib. Bu illik bayramı avtoritar Prezident Qurbanqulu Berdıməhəmmədov xüsusilə sevir. Koronavirus pandemiyasına baxmayaraq Türkmənistanda kütləvi bayramlar, idman tədbirləri, at yarışları keçirilməkdədir. Ölkədə rəsmən koronavirusa yoluxma halı açıqlanmasa da, tənqidçilər, səhiyyə ekspertlər buna şübhəylə yanaşırlar.

Dövlət mediası aprelin 25-26-da ölkədə bir sıra tədbirlər keçirildiyini bildirir. Aşqabat yaxınlığındakı Atçılıq İdman Kompleksində yarış da təşkil olunub. Hər il burada atlar arasında gözəllik yarışması, art şoular, rəqs tamaşaları keçirilir.

Atlara xüsusi sevgisiylə tanınan prezident milli Axaltəkə cinsiylə bağlı kitab yazıb, ona müxtəlif atlar hədiyyə olunur.

Berdıməhəmmədov isə öz növbəsində atlarıən yaxşıçəkən rəssamlara mükafatlar, atların gözəllik yarışmasının qalibinə isə Audi Q8-in açarlarını təqdim edib. Prezidentin Axaltəkə cinsindən yüzlərlə at saxladığı güman edilir.

Hökumətin tənqidçiləri, eləcə dəölkədə atçılığın problemləri ilə tanış ekspertlərin fikrincə, Axaltəkə illər korrupsiya alətinə vəşəxsiyyətə pərəstiş amilinəçevrilib.

Berdıməhəmmədov dövlət mediasında yayılmış bəyanatda atların və mehtərlərin şəraitinin yaxşılaşdırılmasına 680 milyon dollar xərcləndiyini açıqlayıb. Bu məbləğin hansı müddətdə xərcləndiyi bəlli deyil, amma bu arada qazla zəngin ölkə qlobal enerji qiymətlərinin düşməsi və koronavirus pandemiyasından dolayı iqtisadi çətinliklərləüzləşməkdədir.

Türkmənistan son illər ərzaq qıtlığı da yaşayır, bir sıra ərzaq məhsullarının qiymətləri qalxır. /azadliq.org/