Bakıda arvadını xəyanətdə günahlandıran kişidən DƏHŞƏTLİ ƏMƏL – TƏFƏRRÜAT

    6

    Bakıda qadının həyat yoldaşı tərəfindən boğularaq öldürülməsi hadisəsinin maraqlı təfərrüatları üzə çıxıb.

    Hurriyyet.org Lent.az-a istinadən xəbər verir ki, Salyan rayon sakini, 1983-cü il təvəllüdlü Anar Yusifov özündən bir yaş kiçik olan həyat yoldaşı Kifayəti qısqanclıq zəminində öldürdüyünü bildirib.

    Bildirilir ki, Buzovna qəsəbəsində həyat yoldaşı və 2 övladı ilə birgə kirayə yaşayan Kifayət Yusifova metronun “Xalqlar Dostluğu” stansiyası yaxınlığında yerləşən gözəllik salonunda işləyirmiş. Mayın 25-də işə çıxmayan qadının rəfiqəsi onun həyat yoldaşına zəng edib. Anar Yusifov deyib ki, Kifayət ölüb və Salyana apararaq dəfn ediblər. Bir gün əvvəl rəfiqəsi ilə birgə olduğunu deyən və onun səhhətində hər hansı problemin olmadığını bilən qadın dərhal polisə müraciət edib.

    Məlum olub ki, 35 yaşlı Anar evdə uşaqların olmadığı vaxt Kifayətlə mübahisə edib. O bildirib ki, son vaxtlar xanımı telefonu koda qoyurmuş: “Kiminləsə danışmasından şübhələnmişdim, telefonunu məndən gizlədirdi və kilidə qoymuşdu. Nə qədər istəsəm də telefonu vermədi”.

    Mübahisə daha sonra münaqişəyə çevrilib və Anar Yusifov yastığı həyat yoldaşının ağzına basaraq onu boğub. O, daha sonra Salyandakı qohumlarına zəng edərək Kifayətin qəfil öldüyünü deyib və meyiti birgə rayona apararaq qəbiristanlıqda dəfn ediblər.

    A.Yusifovun əməlinin üstü açılan kimi o, həbs edilib.

    Qeyd edək ki, ailənin 8-10 yaşında iki qız övladı var.

    Faktla bağlı cinayət işi açılıb, araşdırmalar davam etdirilir.