Türkiyə gəmisi və heyət üzvləri qaçırıldı

    9

    APA-nın “Milliyet” qəzetinə istinadən verdiyi məlumata görə, Malta bayrağı ilə Nigeriya sahillərində üzən 148 metr uzunluqdakı “M/T Puli” adlı tanker dəniz quldurlarının hücumuna məruz qalıb. Dəniz quldurları gəmi kapitanı da daxil olmaqla, 6 heyət üzvünü qaçırıblar. “Kaptanoğlu Denizcilik” şirkəti dəniz quldurlarının qaçırdığı dənizçilərin sağlıq durumlarının yaxşı olduğunu, tankerin də təhlükəsiz şəkildə üzdüyünü açıqlayıb. Şirkət Türkiyə Xarici İşlər, Nəqliyyat və İnformasiya nazirlikləri və digər aidiyyatı qurumlarla əlaqə saxlanıldığını, məsələ ilə bağlı baş verənlər haqqında ictimaiyyətin məlumatlandırılacağını da bildirib.