“Ancaq “qara qutu” tapıldıqdan sonra…” – Polkovnikdən “MiQ-29” AÇIQLAMASI

    9

    “Təyyarənin qəzaya uğramasının səbəbini yalnız “qara qutu” tapıldıqdan sonra müəyyənləşdirmək olar”.

    Hurriyyet.org xəbər verir ki, bu fikirləri yenicag.az-a açıqlamasında Hərbi Hava Qüvvələrinin (HHQ) MiQ-29 təyyarəsinin qəzaya uğramasını şərh edən ehtiyatda olan polkovnik Şair Ramaldanov deyib:

    “İstər hərbi, istərsə də mülki təyyarələr qəzaya uğraya bilər. Ancaq qəzanın səbəblərini “qara qutu”nun tapılıb araşdırılmasından sonra bilmək mümkün olur. Ona görə də, indidən həra hansı ehtimal irəli sürmək doğru olmazdı”.

    Qeyd edək ki, iyulun 24-də saat 22-00 radələrində plana uyğun olaraq, gecə vaxtı təlim-məşq uçuşları keçirən Hərbi Hava Qüvvələrinin (HHQ) MiQ-29 təyyarəsi Xəzər dənizi üzərində qəzaya uğrayıb. Hazırda təyyarənin pilotu polkovnik-leytenant Rəşad Atakişiyevin axtarışı davam etdirilir.