Almaz Ələsgərli efirdə erməni mahnısı oxudu – VİDEO

59

Əməkdar artist Almaz Ələsgərli efirdə erməni müğənnisinin repertuarına müraciət edib.

Almaz Ələsgərli erməni Vigen Şakaryanın bəstələdiyi və Artur Amiryanın müğənni Ancelina Kaplan ilə ifa etdiyi “Da zdravstuet lyubov” adlı mahnısını Azərbaycan Dövlət Akademik Musiqili Teatrın aktyoru Emil Heydərovla ifa edib.

Belə ki, müğənni mahnını ilk olaraq Azad Azərbaycan televiziyasında yayımlanan “7 canlı” verilişində oxuyub. İfaçı mahnıdan bir hissəni İnstaqram səhifəsində də paylaşıb.

Məsələ ilə bağlı saytımızın əməkdaşı Almaz Ələsgərli ilə əlaqə saxlayıb.

Əməkdar artist Teleqraf.com-a açıqlamasında deyib: “Bu bizim şəxsi mahnımızdır, bilirsiniz ki, həmişə ermənilər bizdən oğurlayıblar. Bizim mahnıdır və bizə hədiyyə etmişdilər, onlar bizim mahnıları özlərinin adına çıxarırlar. Bizi də qınayırsınız. Bu bizim mahnıdır, vəssalam!”

Qeyd edək ki, müğənni sözügedən mahnını Azad Azərbaycan kanalında yayımlanan “7 canlı” verilişində və Xəzər televiziyasında yayımlanan 5/5 verilişində ifa edib.\\Teleqraf