Alimlər insanın ən çətin yaş dövrünü təyin edib

51

ABŞ-ın Dartmur Kolleci və Milli İqtisadi Araşdırmalar Bürosunun alimləri, insanın ən çətin yaş dövrünü hesablayıb. Mütəxəssislər, 132 ölkədən fərqli yaşda insanların qatıldığı bir sorğu keçirib.

Deyerler.org bildirir ki, sorğu iştirakçılarının həyatlarından nə qədər razı olduqları qiymətləndirilib. Araşdırmanın nəticələrinə görə, ən çətin yaş dövrü 47-48 yaş arası olduğu ortaya çıxıb. İnsan həyatının əsas məmnun zirvəsi 18-20-da baş verir və sonra vəziyyət çətinləşməyə doğru gedir. Bu çətinləşmə 47-48 yaşlarda zirvə həddinə çatır, 60 yaşından sonra isə yaxşılaşmağa başlayır. 70 yaşda yenidən sevinc qayıdır. Alimlər bunun xarici faktorlardan asılı olmadığı və bədəndəki hormon səviyyəsinin və biyokimyəvi proseslərin bir nəticəsi olduğu qənaətinə gəlib. Əlbəttə ki bunu, nisbi kimi də qiymətləndirmək olar.